|
билан стратегик ҳамкорликдадир… Биз мақсадларимизни тараққийпарварларга боғлиқ қилган эканмиз, ҳамкорлигимиз барча иқтисодий ва хавфсизлик соҳаларини ўз ичига олиши лозим… Шу боис Америка билан ҳамкор давлатлар ўртасидаги алоқа буйруқ бериш даражасига етиб бормаслиги лозим ва тараққийпарвар давлатлар раҳбарлари биз билан халқларининг ўртасидаги мухбирлардек бўлиб қолиши керак эмас. Биз улар билан тенг ҳуқуқли ҳамкор сифатида муносабатда бўлишимиз зарур. Уларга Ғарбни ташвиқот қилувчи жарчи сифатида муносабатда бўлишимиз уларни бир лаҳзадаёқ кўмиб ташлайди… Биз баъзан Ислом оламидаги дўстларимизга қийинчилик туғдираётгани туфайли улар бизнинг айрим ишларимизга раддия беришини қабул қилишимиз лозим…». Уммат бу «мўътадил тараққийпарвар дўстлар»ни яхши танийди. Унга Ироқ, Миср, Туркия, Ўзбекистон, Жазоир, Сурия, Ливия ва Тунис ҳокимлари шу умматнинг мухлис ўғлонларига нисбатан қилган қилмишларини эслатишнинг зарари йўқ.
Олтинчиси - заиф давлатлар, шу жумладан Ислом оламидаги мавжуд давлатлар ишларига аралашишга қонуний тус бериш учун БМТ ва Хавфсизлик кенгашини ташкил этиш. Агар Америка айрим катта давлатларнинг ўжарлиги туфайли Хавфсизлик кенгаши орқали аралаша олмаса, у Хавфсизлик кенгашидан ҳам, БМТдан ҳам ҳатлаб ўтиб, якка ўзи ишни бошқараверади. Худди «Терроризмга қарши салибчилик ҳужуми» деб атаган ҳужуми каби. Бу билан у хоҳлаган жойига тушиб, хоҳлаган кишиларга зарба бермоқда. Никсон «Қулай фурсат» номли китобида ушбу сиёсатга тўхталиб, жумладан шундай дейди: «Агар Қўшма штатлар манфаатларига путур етадиган бўлса, Америка имкони борича Бирлашган миллатлар билан ҳамкорликда иш олиб боради. Аммо бундай ҳамкорлик амри маҳол бўлса, ишни унга таянмасдан якка ўзи олиб бораверади». Массачусетс университетининг сиёсий фанлар бўйича профессори Коллард Пауэр бир журналда чоп этган мақоласида шундай дейди: «Шу нарса аниқки, халқаро қонун ер шарининг ғарбий ярмига тўғри келмайди… Инсон ҳуқуқларини поймол қилиш, модомики Америка манфаатларига хизмат қилар экан, мақбул бўлиб қолаверадиганга ўхшайди».
Еттинчиси - манфаатпараст ва жаҳолатпарастлардан бир қанчасини йиғиб, уларга ҳизб (партия)лар деб ном бериш. Агар мақсад қилинган режага битта партиялик низом билан эриша олмаса, уларнинг бирига
38-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54